This slideshow requires JavaScript.
Munā mini stroikā tai interesantai ir/beja pastruoduot (jo nikas nav beidzīs), padūmuot, puordūmuot vysaižys lītys. Vot, teišom žāl, ka jaunīšm nav īaudzynuots taids… dorba tykums, praktiskums, pīlītuojums. Tys dūmojūt vyspuoreigi. Prūtams, ka ar dažim izjāmumim. Mes ar čaļim stroikā jau ironizēm, skokūt – „īdūt nazeiti, īlaid mežā, tok jis pyrmajā dīnā nūmiers’’. (ļaunijenotsmīkli). Tok pa lelam tai ir. Dzeivoju tū šaļti Drycanūs, kod beja snīgs, beju cīšyn puorsteigts, izbreineits – nivīns nasliepoj… daže fizkulturys školuotuojs soka tū pošu. Tai vot saīt, ka vysys vaineitis vaļstei atsakluoj viņ piec divdesmit godu, kod jau pošys spraucās uorā. Tai pa ītū laiku ir viuceits – nikas, nikas… vysu izdarēs bezdarbnīki, voi atīs, kas cyts i sataisēs. I tu, kai anglīts, voi vuocīts mīreigi samoksuosi par pakolpuojumu. Tik vīn problēma… nav ar kū samoksuot.
Suoču runuot, kai baba, bet jā… viņ ar laiku suoc saprast tuos mozuos vierteibeņis kū babys stuostē tev vysu dzeivi. Piedejā laikā atguodoju ūtuos babys (tāva mamys) saceitū. Beja školuotuoja, izsyutiejums Sibirī proīts i tai…
Biedeigi, biedeigi, ka lela daļa jaunīšu ir aizjimt i naatīt paleigā. (Da, maņ suope.:)) Nu i, kas, ka nav/nabeja MEGA ola i dasu. Vyss ir kaiteigs, prūtams. Ari lela puorsaraušona dorbā draud ar nuovi. Eisti vyss draud ar nuovi. Bet iz tuo navāg īsaciklēt. Nuove var pīīt i dr.lv portālā i mugurkaulā. Cīš pateik tī aizjimtī teksti. Nu, ka cylvāks atsabyldynojās – tai i tai… 1000 изнинений.
I golu golā nikas nikam nav vajadzeigs. Pats sataisieji syudus (kaidu projekteņu) pats i teic golā. Sen zynoma patīseiba, kas apsagrīž par tū pošu gruobekli, nūsvīstu pyunis pustymsā. Izdarieji – zaje*#s, varēs izlīt kaidu sumozgu spani komentarūs, voi padūt tū nu rūkys-rūkā, nu mēlis-mēlē car baumom. Tai ir. Nikas nav izdareits. Tū saprūt vysi, kas koč kū dora deļ sabīdreibys, cytu runuos, mozlīt deļ seve. Bet kur traģikomiskīs greku teatris?! Taidi cylvāki jau mīrā navar nūsēdēt… Vot vyss, kai kaču rytynuotā komuleitī.
Naskai vysa daudz i teišom grybu atvaļinuojumā. Bet myusem tī atvaļinuojumi ir struoduošona pi sīna (var ari skaiteti kūpā dalīkūt golūtni [ā]) , duorzā, cytim pampšona pi TV, u.t.t jaukumeņi. Es eisti nagrybu atvaļinuojumu, es grybu sasajim i sakuortuot dūmys, i.c lītys. Koč kod ta tam juonūteik i koč kaidam uperam ta jobyut. Vinmār. Radzom tū mes… voi naradzom.
Tys ir vyss,kū gribieju pasceit.
Pagaidom.
Grybu atvaļinuojumu, jo nikai nav saguojs taida sajimt.
Bet bez/ar/ mienesi drystavuošonys i draudziešonuos ar rūkeišim i elfim..ir rezultats -
Kukužu jaunīšu centrys izveiduots…. gaidit bīdreibys blogu.
Pagaidom juoapkūpoi tys kū grybu vairuok izstuostet jaunā bloga īrokstā.
Sajiutys pa mienesi nu šizofrenejis, leidz līksmeibai…..da tys myusu post laikmetam rakstureigs.
Te vīna sīnys sīna ar ailem 1:00 natkī.
Mes ar tevi
Namiersem sovā nuovē.
Voi vyspuor koč kurs
bez radzama īmesļa
tū ir izdaries?!
Viestulies nu Zosnys
Beidz apmeklēt sovus adresatus.
Izkolst,
pyrma, teik uzraksteitys.
Comic Sans formatā.
Vysys pasaulis
sagribiešona iz reizis,
parosti beidzās
ar eksplozeju golvā.
R.S /12.03.2012/
Siežu virtuvē. Pīklusynuota gaisma nu tvaika nūsyucieja, i verūs pa lūgu. Putinei snīgs. Vyss apleik sanastys snīga čupeņis. Beidzūt var sasajust kai zīmā. Ausīs skaņ Šopēna Noktirne OP.9 Numur 2. Jei maņ uzbur tū mistiskū zīmys sajiutu, kurys itūgod nav bejs. Veļ ari nav -30 lai jū dzeitu pa ceļi. Zīmsvātki… nu taidi…. nikaidi. Sātā ar capumim i kači. Tei kompoziceja ir ari atrūnama kinā ”Bad Santa”. Ituos kinys vieršonuos, jau izataisiese par sova veida tradiceju. Atguodoju ari Dita Rietuma beja nazkur miniese jū, kai vīnu nu sova Zīmyssvātku kinu topa, kas byutu juonūsaver.
Vyspuor piec jaungoda navā saprast – kas nūteik apkuortejūs. Pagaidam nikuo loba. Personeigi maņ suocēs seseja…. tod vēl mistiskī stresi, kas ir naatjemama dzeivis sastuovdaļa. Tok jūs navāg tiuļi laist sev kluot. Nervi ta vīni i nu jīm var suoktīs vysaižuokys hvarobys, nu kurejuom tod gryuši tikt vaļā. Voi cīši duorgi. Bet puorsvorā myusdīnu medicina sastuov nu pensioneru i mozu bārnu vacuoku naudys.
Pyrms svātkim nūtyka RA jauktuo kuora ”Sonitum” i veiru kamerkuors ”Graidi” pyrmssvātku koncerts. Vysā vysumā beja skaiški.
Bet tod ”ūtrymā daļī” RA studejūšū pošpuorvaļdis (laikam) reikuotīs koncerts, kurymā uzastuo augstškolys vītejī talanti… Nu, te vyss aizliduo pa viejam, mudruok, kai aizliekšoi pats Rūdolfs ar sorkonū dagunu. Suokūt ar divim rēperu džekim, ar sovu izpiļdiejumu i dzīsmis vuordim ”(..) сука любовь, сука любовь (..)”. Pa skaistū! Veļ beja naveikli i PAGARI numeri, bikli vadeituoji…bet kū tī. Vīneigīs īteikums – tīm organizatorim, ( kas (es cereju) naskraida pakaļ vadeituojam īspīlātuos ūzeņuos, kuram ķekars izaspīds i par jū rāc vysa škola) – . Puorskaitit, nu suokuma koč scenareju, izdūmojit, kai pajūkuot ar publiku i uztaisit kaidu mēģinuojumu, i apsaverit, cik i kaidā kvalitātē prīkšnasums, i voi atbylst tematikai. Teiri amizanti skanātu ”(..) сука любовь, сука любовь (..)” koncertā, kas veļteits Māmeņdīnai. Nadūmojit, ka tai dūmoju es vīns. Ave!
Tai, kai niule rudiņs beja saplyuds ar zīmrudini, kas dreižuok izavēre kai puorkauseits studiņs, pīvieršu uzmaneibu sevis īvīstajam teicīņam - komentaru kari -. Vāg že jaunu šovu, nā?! Kai tys izapauž, laikam nav juoskaidroj. Vīn pusfināls ir tys, ka jebkurā rokstā, kur byus pīmynāts koč kas par latgaliskū, tī bolsuošona i klaviaturys baksteišona aizīt leidz boltkvēlei. Nikuo jauna! Koč paskaiteitu cytu literaturu… Vyss veļās i ripoj. Aizrypoj ta da cytom viestim kū apsprīst vysūs socialajūs portālūs. A, ja tev nav TV, kaimiņim, dorbabīdrim nav par kū ar tevi parunuot, itu palīc duraks voi čudaks. Voi obi kūpā.
Vyspuor maņ seseja. I čajs iz golda atsaļs…
Nūvieleju vysim itym godā sasnīg sovus mierkus. Ka nav to padūmuot par taidim. Ja kuram vāg – pamainit prioritatis
I, našķaudit vīns ūtram sejā.
Brauču sātā ar reisa autobusu, klausejūs Čaikovski i skaitieju Veidenbaumu. Zīmeļu pīturā sakuope puors šmuku meitušku, kurys sajemūt biļetu ījam breivuos siedekļu vītys. Bezšaubeigi, pa mozejom svātku dīnom atbraukuš pi vacuoku pagasteit. Tai siežu i dūmoju – “Redz, cik jaunu šmuku meitiņu, mes nu Latgolys aizpruovejom prūm.” Puorsvorā iz Reigu. Tok Reigys īdzeivuotuoju skaitu mes vyslaik raugom papyldynuot. Kai taids oficialīs – malnīs tiergs…
Gods golā i vysaidu nūtykumu. Apmierst muzikanti (ari pi myusu), apmierst diktatori (kuru i nūšaun), dobys kataklizmys, mainuos politiskī spāki (daži vnk beidzuos)… Vysa kuo cik daudz,ka naatguoduot. Maņ kai by grībīs atguoduot tū- kū mān gribīs atguoduot. Pasauļi naizgluobt. Eisti nazynu, bet maņ decembris nav nikod patics. Mistiskuo ļaužu stresuošona, svākti pošuos mieneša beiguos … i seseja 3.janvarī (jē!). Koč ari maņ itūgod tys laiks taids puordūmu laiks. Kai soka vāg nūstyprynuot prioritātis… a, tod apsavērt kai cylvāki dzeivoj Australejā i Āfrikā.
Paguošgod itym laikā vysi ņurkuom snīgā i maņ dzeivūklī beja +14 gradu. Nikas. Soltumā mīsa lobuok sasagloboj. I dzeivūklis ir lela Soltuo ustoba. Feini. Šudiņ nu reita mozguodams trauku pa lūgu pamanieju, kai sābris ar saimi nas egleiti. Tai amizanti. Tai saimiski. Tai omuleigi, ka aizmiersu īsuoktū nūdarbi.
bFree Porn The Escort Sex Theescortsex W 0 Fuck Ca 1 The Escort Sex Elegantys vibrācejis cytā gaumīg j Sex Sex.uz Sex wFree Porn The Escort Sex Theescortsex W 0 Fuck Ca 1 The Escort Sex Elegantys vibrācejis cytā gaumīa Www%2Canimalsextube%2Ccom%2F